- حيث إن كان اهتمامي المحليات و دور المجتمع المدني في التنمية المحلية ... فديه المواضيع اللي حضرتها ... كمان انا محضرتش أول يوم في المنتدى فيمكن مكنش عندي الصورة العامة عن المنتدى
- مبدئياً انا كان عندي مشاكل في حاجتين إن يتعمل منتدى زي ده في فندق 5 نجوم و يتصرف عليه مبالغ ممكن يبقى ليها لازمة في حتة تانية .. و المشكلة التانية بالنسبالي ال Setting حسيته اقرب إلى المحاضرة عن جلسات حقيقية .. المتحدثين على منصة و بيعملوا بريزنتشن و بيتسإلوا سؤالين و سلام عليكم .. كنت افضل خصوصا عشان عدد الحضور في كل جلسة مكانش كبير إنه يبقى عبارة عن دواير بشكل ما و يبقى مفتوح للنقاش عن موضوع الجلسة !
- بالنسبة للحضور اغلبية الحضور كانوا اكاديميين بشكل ما .. إن كانوا دكاترة في الجامعة ، باحثين عمرانيين قريبين من الأرض و مستشارين حكوميين .. مع نسبة من المبادرات و الجمعيات الأهلية اللي شغالة على التنمية و إن كانت مش كبيرة
- كان في ناس ممثلين عن الهيئات المختلفة للحكومة كتير و ده شئ كويس لأن قبل كده مكانش بيحضر كتير منهم و مكانوش بيبدوا اهتمام اوي بالمؤتمرات دي و إن كان بردو كانوا بيعملوا العادة القديمة بتاعتهم انهم يقولوا كلمتين و يزوغوا بعدها .. على أد الجلسة اللي بيحضروها و يهربوا .. ( محافظ الجيزة مثلاً جه الجلسة المخصصة ليه ( دور المجتمع المدني في التنمية المحلية ) متأخر في نصها تقريباً و دخل القاعة محاط بالBody Guards و اتكلم كلمتين و زوغ ( مكملش ساعة ))
-بالنسبة للمحتوى اللي اتقدم ... كان كبير اوي على الوقت المخصص .... يعني كان مطلوب مني في الجلسة اللي كنت بكلم فيها اني اقدم الشغل اللي اتعمل في ميت عقبة في اخر 4 سنين في 10 دقايق .. عشان في نفس الجلسة كان في 5 متحدثين غيري و بسبب ضيق الوقت المناقشة كانت عبارة عن كام سؤال من الحضور و خلاص ... و مثلاً الميسر بتاع الجلسة كتب ورقة كده وش و ضهر المفروض دي خلاصة الجلسة ( خدوا بالكم إن الورقة دي مع الكام ورقة اللي هيطلعوا من كل جلسة المفروض هيتتطوروا لتقرير هيتعرض في المنتدى الحضري العالمي السنة الجاية ( هدف المنتدى الأساسي ! )
- تعليقات المسئولين الحكوميين كتير منها لفت نظري اوي بصراحة !:
. كان في سمة عامة لأغلب المسئولين اللي سمعتهم ان كلهم بيكلموا عن
ان القطاع الخاص لازم يستثمر في تنمية المجتمعات المحلية .. و كيفية
تشجيعهم على الإستثمار فيه
. في مبادرة اسستها وزارة التضامن اسمها "بينا" المبادرة دي مخصصلها مبلغ مليون 140 ألف و هدفها انشاء جمعيات اهلية في المحافظات تقوم برصد و ارسال تقارير للوزارة عن انتهاكات و مخالفات الجمعيات الأهلية و مؤسسات المدني في كل محافظة ... و ممثل الوزارة كان بيقول إن الجمعيات اللي هتنشأ دي هتبقى مستقلة و معتمدة على الشباب ( الخلاصة في نظري إنها جمعيات من المخبرين اللي بتراقب انشطة الجمعيات الأهلية و بتبلغ عنهم لو معجبهاش الأنشطة ! )
. كان في دكتورة من البرازيل بتتكلم على التجربة البرازيلية في التخطيط الإستراتيجي التشاركي و دور المواطنين في صياغة تصور تطوير مدينتهم ... فعلق احد الحضور ( مسئول في هيئة التعبئة و الإحصاء ) على الموضوع ده بأنه صعب في مصر لأن نسبة الجهل عالية و الوعي مش موجود .. و سألها عن نسبة المتعلمين في البرازيل ( واضح إن المسئول مقراش عن لولا دا سيلفا .. العامل البسيط اللي مكملش تعليمه المدرسي و كان بيلمع الجزم و بائع جائل و دوره في تنمية البرازيل !! )
. في جلسة بتتكلم عن الموازنة المحلية مسئول سابق في وزارة التضامن استفاض في عرض بنود الموازنة المحلية و هكذا و وضح ان اغلب الموازنة رايحة للأجور و إن الإستثمارات المحلية محدودة جداً و توزيعها سيئ على المحافظات .. و متحدث تاني كان بيتكلم على تعقيد و تشابك المصالح الحكومية بيسبب مشاكل كتير بتعيق التنفيذ على الأرض و بتوجد هدر مرعب للموارد ... فسألت المسئول الأولاني عن إنه مش شايف إن في الوقت الحالي الحكومة اولى بها تفكر في اعادة هيكلة المحليات كمنظومة قبل ميتم ضخ استثمارات و فلوس من الموازنة في تطوير البنية التحتية و الخدمات عشان ميبقاش في اهدار للمال العام و حتى المستثمرين اللي هيشاركوا في التنمية المحلية يبقوا متطمنين لأستثماراتهم مش هتطير ... فكان رده إن القطاع الخاص ليه دور مهم في التنمية المحلية و يجب ضخ استثمارات من القطاع الخاص و تخفيف العبء عن موازنة الحكومة ... و مسئولة في احد صناديق الإسكان لخصتلي الرؤية إن ايوة يتم ضخ استثمارات دلوقتي لأن مش هينفع نتكلم على اعادة هيكلة في الوقت الحالي !!
- حاجة ليها علاقة بالتنظيم المنصة اللي كنا قاعدين عليها و بنحاضر ( قصدي بنعرض مبادراتنا ) كانت عالية و مفيش سلم عشان نطلع عليها فكنا بنضطر نعمل شقلباظات عشان نطلع .. و واحد من المتحدثين اللي كانوا معايا في نفس الجلسة كان معوق و قاعد على كرسي متحرك !
- ملاحظة اخيرة ... وجبة الغدا كانت حلوة اوي ( حاجة 5 نجوم بقى ) .. و الديسرت اللي عمله فناان grin emoticon
اخر حاجة في مقالة النهاردة على الشروق لزياد بهاء الدين بيكلم فيها عن االتباين بين توجهات الحكومة للمشاريع القومية الكبرى المستهلكة للموارد و الأستثمارات و بين تطلعات المواطن العادي في خدمات حكومية افضل .. و بيسردها بطريقة جميلة الصراحة .. حسيتها إلى حد ما مرتبطة بالمنتدى
وصلة المقال :
http://www.shorouknews.com/columns/view.aspx…
. في مبادرة اسستها وزارة التضامن اسمها "بينا" المبادرة دي مخصصلها مبلغ مليون 140 ألف و هدفها انشاء جمعيات اهلية في المحافظات تقوم برصد و ارسال تقارير للوزارة عن انتهاكات و مخالفات الجمعيات الأهلية و مؤسسات المدني في كل محافظة ... و ممثل الوزارة كان بيقول إن الجمعيات اللي هتنشأ دي هتبقى مستقلة و معتمدة على الشباب ( الخلاصة في نظري إنها جمعيات من المخبرين اللي بتراقب انشطة الجمعيات الأهلية و بتبلغ عنهم لو معجبهاش الأنشطة ! )
. كان في دكتورة من البرازيل بتتكلم على التجربة البرازيلية في التخطيط الإستراتيجي التشاركي و دور المواطنين في صياغة تصور تطوير مدينتهم ... فعلق احد الحضور ( مسئول في هيئة التعبئة و الإحصاء ) على الموضوع ده بأنه صعب في مصر لأن نسبة الجهل عالية و الوعي مش موجود .. و سألها عن نسبة المتعلمين في البرازيل ( واضح إن المسئول مقراش عن لولا دا سيلفا .. العامل البسيط اللي مكملش تعليمه المدرسي و كان بيلمع الجزم و بائع جائل و دوره في تنمية البرازيل !! )
. في جلسة بتتكلم عن الموازنة المحلية مسئول سابق في وزارة التضامن استفاض في عرض بنود الموازنة المحلية و هكذا و وضح ان اغلب الموازنة رايحة للأجور و إن الإستثمارات المحلية محدودة جداً و توزيعها سيئ على المحافظات .. و متحدث تاني كان بيتكلم على تعقيد و تشابك المصالح الحكومية بيسبب مشاكل كتير بتعيق التنفيذ على الأرض و بتوجد هدر مرعب للموارد ... فسألت المسئول الأولاني عن إنه مش شايف إن في الوقت الحالي الحكومة اولى بها تفكر في اعادة هيكلة المحليات كمنظومة قبل ميتم ضخ استثمارات و فلوس من الموازنة في تطوير البنية التحتية و الخدمات عشان ميبقاش في اهدار للمال العام و حتى المستثمرين اللي هيشاركوا في التنمية المحلية يبقوا متطمنين لأستثماراتهم مش هتطير ... فكان رده إن القطاع الخاص ليه دور مهم في التنمية المحلية و يجب ضخ استثمارات من القطاع الخاص و تخفيف العبء عن موازنة الحكومة ... و مسئولة في احد صناديق الإسكان لخصتلي الرؤية إن ايوة يتم ضخ استثمارات دلوقتي لأن مش هينفع نتكلم على اعادة هيكلة في الوقت الحالي !!
- حاجة ليها علاقة بالتنظيم المنصة اللي كنا قاعدين عليها و بنحاضر ( قصدي بنعرض مبادراتنا ) كانت عالية و مفيش سلم عشان نطلع عليها فكنا بنضطر نعمل شقلباظات عشان نطلع .. و واحد من المتحدثين اللي كانوا معايا في نفس الجلسة كان معوق و قاعد على كرسي متحرك !
- ملاحظة اخيرة ... وجبة الغدا كانت حلوة اوي ( حاجة 5 نجوم بقى ) .. و الديسرت اللي عمله فناان grin emoticon
اخر حاجة في مقالة النهاردة على الشروق لزياد بهاء الدين بيكلم فيها عن االتباين بين توجهات الحكومة للمشاريع القومية الكبرى المستهلكة للموارد و الأستثمارات و بين تطلعات المواطن العادي في خدمات حكومية افضل .. و بيسردها بطريقة جميلة الصراحة .. حسيتها إلى حد ما مرتبطة بالمنتدى
وصلة المقال :
http://www.shorouknews.com/columns/view.aspx…
تعليقات
إرسال تعليق